रुपन्देही । यो मौसम हो बसन्त ऋतुको । वसन्त ऋतुमा प्रकृतीको बहार आउँछ । यतिबेला शान्तिको मुहान भगवान गौतमबुद्धको जन्मस्थल लुम्बिनी थरीथरीका फूल र हरियालीले सजिएको छ ।
मायादेवि मन्दिर वरपर बेगमबेली र थरीथरीका फूलहरुले आर्कषक बनाएको छ । मायादेवी मन्दिरको दक्षिण पुष्करणी पोखरीको छेउमा रहेको पिपलमा नयाँ पालुवा पलाएको छ । पालुवा फेर्दै गरेका बोटविरुवा अनी बसन्तसँगै फर्किएका फूलहरुले पर्यटन लोभिएका छन ।
बसन्त ऋतुलाई प्रकृतिको सबैभन्दा सुन्दर वहार मानिन्छ । त्यसमाथी शान्तिका अग्रदुत गौतमबुद्धको जन्मस्थल लुम्बिनी समेत यतिखेर हरियाली र ढकमक्क फुलले ढाकिएको छ । मायादेवी मन्दिरको दक्षिण पुष्करणी पोखरीको छेउमा रहेको पिपलमा नयाँ पालुवा पलाएको छ । पालुवा फेर्दै गरेका बोटविरुवा अनी बसन्तसँगै फर्किएका फूलहरुले पर्यटन लोभिएका छन ।
बसन्त ऋतुमा लुम्बिनीमा फुलेका फूल अनी नयाँ पालुवाले लोभ्याएको मात्रै छैन । पर्यटकले तराईको तातो गर्मि समेत यिनै फुलहरुले बिसाएदिएको छ । लुम्बिनीमा बाह्रै महिनाजसो फूल फुलिरहेका हुन्छन् तर बसन्त ऋतुमा फूलेका फूल र लुम्बिनीको प्रकृतिले यतिखेर पर्यटक थप आर्कषित बनेका हुन ।
मन्दिर परिसरमा थरिथरिका फूलले सुगन्ध छरेको छ । प्रकृतिसँगै पर्यटक लोभिएका छन् । यो सिजनमा लुम्बिनी पुग्ने पर्यटकले हरियाली र फूलहरुसँगै छुट्टै आनन्द प्राप्त गर्न सक्छन् । त्यसो त विकास कोषले पवित्र बगैचालाई हरियाली र सुन्दर बनाउने प्रयत्न गर्दै आइरहेको छ ।
लुम्बिनी आफैमा सुन्दर बगैचा रहेको कुरा बौद्ध साहित्यमा उल्लेख गरिएको छ । फूल, हरियालीसँग बुद्धको जीवन समेत जोडिएको लुम्बिनी विकास कोषका सदस्य सचिव सानुराजा शाक्यले बताउनुभयो ।
शान्ति र अहिंसाका प्रतीक बुद्धजन्मस्थलमा यो सिजनमा आर्कषक देखिएको छ । अन्य बेलामा भन्दा यो बेला प्रकृतिसँगै लुम्बिनीको लुकामारी हेर्न सकिन्छ ।
पवित्र बगैचा क्षेत्रमा मात्रै होईन विभिन्न देशका विहारहरुमा पनि बसन्त ऋतुले प्रकृती आर्कषक बनेका छन । लुम्बिनीमा नेपालसँगै धेरै मुलुकका आआफ्ना कला, शैली र कलाकृत झल्किने मन्दिरहरु छन् ।
