काठमाडौं । टेलर स्विफ्टको नयाँ एल्बम ‘द टर्चड पोएट्स डिपार्टमेन्ट’ विश्व संगीतको चर्चित प्लाटफर्म स्पोटीफाइमा एकै दिनमा धेरै स्ट्रिम हुने गीतको कीर्तिमान रचेको छ ।
स्पोटीफाइका अनुसार एकै दिनमा यो गीतलाई ३० करोड (३०० मिलियन) पटक सुनिएको छ । उक्त एल्बमले १९ अप्रिल २०२४ मा उक्त कीर्तिमान रचेको प्लाटफर्मले ट्वीट गर्दै जनाएको छ ।
यसअघि यो कीर्तिमान बियोन्सेको एल्बम ‘काउब्वाय कार्टर’को नाममा थियो, जसलाई २०० मिलियन पटक सुनिएको थियो । यति मात्र होइन, स्वीफ्टको उक्त एल्बममा समावेश गीत ‘फोर्टनाइट’ एकैदिनमा धेरै पटक सुनिने गीत बनेको छ । यो गीतमा स्वीफ्टसँग पोस्ट मेलन पनि फिचर्ड छन् ।
यो रेकर्ड स्पोटीफाइ यसअघि सन् २०२१ मा रिलिज भएको एडेलको गीत ‘इजी अन मी’ थियो । यो एल्बमलाई अन्तर्राष्ट्रिय सञ्चारमाध्यमले सन् २०२४ कै प्रतीक्षित एल्बमको संज्ञा दिएका थिए ।
