काठमाण्डौँ । छिमेकी मुलुक भारतमा शेयर बजारले अहिलेसम्मकै कीर्तिमान बनाएको छ । मंगलबार लगातार तेस्रो कारोबारको दिन भारतमा शेयर बजार अहिलेसम्मकै उचाइमा पुगेको हो । रतको बम्बे स्टक एक्सचेञ्जको सूचक सेन्सेक्स मंगलबार ६५ हजार ५८६ मा पुगेको छ । निफ्टीले पनि १९ हजार ४१३ छोएको छ । मंगलबारको भारतीय शेयर बजारको इतिहासमै यी दुई अंकहरु कीर्तिमानी हुन् ।
पछिल्लो समय भारतीय प्रधानमन्त्री नरेन्द्र मोदीले पश्चिमा कम्पनीहरुलाई भारतमा आकर्षित गर्न खोजिरहेका छन् । उनको हालैको अमेरिका भ्रमणमा पनि यस्ता प्रयासहरु भएका थिए । नेपालको अर्को छिमेकी पाकिस्तानमा पनि सोमबार प्रमुख शेयर बजार सूचकले कीर्तिमानी फड्को मारेको थियो । सोमबार एकै दिन २४ सय ४२ अंक बढेर त्यहाँको शेयर सूचक ४३ हजार ८ सय ९५ अंकमा पुगेको छ ।
एकै दिनमा भएको यो बृद्धि पाकिस्तानी शेयर बजारको इतिहासकै सबैभन्दा उच्च हो । प्रतिशतका हिसाबले पनि यो वृद्धि १५ वर्ष ९सन् २००८ जुन २४० यताकै उच्च हो । यही बेलामा नेपाली शेयर बजार भने ओरालो यात्रामा देखिएको छ । पछिल्ला तीन दिनमा नेपाल स्टक एक्सचेञ्ज ९नेप्से० परिसूचक १११ अंक घटेको छ ।
विशेषगरी सबैजसो कम्पनीले बोनस खुवाउने बेला भएकाले पनि अहिले धेरैथोरै शेयर बजार बढ्ने अनुमान थियो । त्योअनुसार गत दुई साता शेयर बढेको पनि हो । तर अचानक गत आइतबार र सोमबार त दोहोरो अंकले गिरावट आएको छ ।
