पाेखरा । प्राज्ञिक विद्यार्थी परिषद् नेपालकाे दाेश्राे राष्ट्रिय कानुन विद्यार्थी सम्मेलन विशेष प्रस्ताव पारित गर्दै सम्पन्न भएको छ ।
देशभरका विभिन्न कलेज तथा विश्वविद्यालयहरूमा कानुन विषय अध्ययनरत विद्यार्थीहरूकाे सहभागीतामा पाेखरामा शुक्रबारबाट सुरु भएको दाेश्राे राष्ट्रिय कानुन विद्यार्थी सम्मेलन कानुन क्षेत्रकाे समसामयिक विषयलाई लिएर विशेष प्रस्ताव पारित गर्दै उक्त सम्मेलन सम्पन्न भएको विद्यार्थी परिषद्ले जनाएको छ ।
साथै परिषद्ले कानुन आयाम कार्यका लागि " न्यापपथ " नामकरण गरि सुदुपश्चिम विश्वविद्यालयमा अध्ययनरत जगेन्द्र बुढाथोकीकाे नेतृत्वमा नयाँ केन्द्रीय समिति घाेषणा गरेको छ ।
दुई दिनसम्म चलेकाे सम्मेलनको उद्घाटन नेपाल बार एसोसिएसनका अध्यक्ष गोपालकृष्ण घिमिरेले गर्नु भयो थियोे । अध्यक्ष घिमिरेले कार्यक्रममा बाेल्दै दक्षिण एसियामै नेपाल कानुनी क्षेत्रमा अग्रस्थानमा रहेको र कानुनकाे क्षेत्रमा अझै धेरै कार्यहरू गर्नु आवश्यक रहेको बताउनु भएकाे थियोे ।
पोखराको साइमन पार्टी प्यालेसमा भएको सम्मेलनमा देशभरबाट कानुन पढाई हुने ८ वटा विश्वविद्यालयकाे १४ वटा क्याम्पसबाट ८५ जना भन्दाबढी विद्यार्थीहरू सहभागी भएको परिषद्ले जनाएको छ ।
साउन २५ र २६ मा पाेखरामा सम्पन्न भएको सम्मेलनमा कानुन अध्ययनरत विद्यार्थीहरूकाे वर्तमान अवस्था, समस्या चुनाैती एवम् समाधानकाे मार्गकाे बारेमा व्यापक बहस पश्चात् विशेष प्रस्ताव पारित, कानुन विद्यार्थीहरूकाे व्यावहारिक सिकाईका लागि प्रयाेगात्मक अभ्यास , कानुन विद्यार्थीहरूकाे सामाजिक र राष्ट्रिय भूमिका बारे बहस र अदालतका उच्च अधिकारीहरूसँग अनुभव आदन प्रदान तथा विशेष अन्तरक्रिया गरिएको परिषद्ले जनाएको छ ।
सम्मेलनमा नेपाल बार एसोसिएसनका अध्यक्ष वरिष्ठ अधिवक्ता गोपालकृष्ण घिमिरे, गण्डकी विश्वविद्यालयका उपकुलपति प्रा.डा. नवराज देवकोटा, विधि आयोग भारतका सदस्य प्रा.डा. राका आर्या, विद्यार्थी परिषद्का राष्ट्रिय संगठन सचिव नारायणप्रसाद ढकाल, राष्ट्रिय सह-संगठन सचिव रमेश कण्डेल, नेपाल बार एसोसिएसनका उपाध्यक्ष वीरेन्द्र के.सी, कानुन कार्य प्रमुख भानु प्रकाश जोशी, अधिवक्ता निकेश कुमार लम्साल, वरिष्ठ अधिवक्ता प्रा.हेमराज गिरि लगायतको विशेष उपस्थिति रहेको थियोे ।
