बुटवल । बुटवलमा कृषि तथा प्राविधिक शिक्षामा रुचि राख्ने विद्यार्थीहरूका लागि खुशीको खबर छ। बुटवल उपहानगरपालिकाका १३, जीतगढीस्थित देउराली जनता प्राविधिक शिक्षालयले ‘पढ्दै कमाउँदै’ कार्यक्रम अन्तर्गत प्रि-डिप्लोमा इन प्लान्ट साइन्स (कृषि) र प्रि-डिप्लोमा इन भेटेरीनरी साइन्स कार्यक्रममा नयाँ भर्ना खुलाएको छ ।
यो शिक्षालय यस क्षेत्रको सबभन्दा पुरानो र पूर्ण भौतिक पूर्वाधारसहितको प्राविधिक संस्था हो, जसले दक्ष प्रशिक्षकहरूमार्फत सैद्धान्तिक र प्रयोगात्मक दुवै शिक्षामा बल दिँदै आएको छ। कुल पाठ्यक्रमको ९० प्रतिशत हिस्सा विद्यार्थीहरूलाई विभिन्न कृषि तथा पशु फार्महरूमा प्रत्यक्ष अभ्यासमार्फत सिकाइन्छ ।
संस्थाको आफ्नै कृषि तथा पशु फार्म मात्र होइन, नवलपरासी र रुपन्देहीका प्रतिष्ठित फर्महरूमा समेत अभ्यास गराइने व्यवस्था रहेको छ। यस कार्यक्रमले विद्यार्थीहरूलाई अध्ययनसँगै आयआर्जन गर्न सक्ने सीपसमेत प्रदान गर्नेछ ।
विस्तृत जानकारीका लागि देउराली जनता प्राविधिक शिक्षालय, बुटवल–१३, जीतगढीमा सम्पर्क गर्न सकिने छ ।
