काठमाडौं – यस वर्ष सम्पन्न नेपाल बार काउन्सिलको परीक्षामा लुम्बिनी बौद्ध विश्वविद्यालयका BALLB का विद्यार्थीहरूले अभूतपूर्व उपलब्धि हासिल गरेका छन्।
देशभरबाट सहभागी भएका ३१ सय ३५ मध्ये जम्मा ३३.२६% अर्थात १०४३ मात्र विद्यार्थी उत्तीर्ण हुँदा, उक्त विश्वविद्यालयका विद्यार्थीहरूको सफलता दर ७७.८% पुगेको छ।
पहिलो पटक परीक्षामा सहभागी भएका ४८ जना विद्यार्थीमध्ये ३७ जनाले सफलता हात पारेका छन्, जुन राष्ट्रिय स्तरमा उत्कृष्ट उपलब्धि मानिएको छ। लुम्बिनी बौद्ध विश्वविद्यालयका रजिष्टार डा.तिलक आचार्यले यो ऐतिहासिक सफलताप्रति हर्ष व्यक्त गर्दै भने, “यस यात्रालाई सम्भव बनाउन अहोरात्र मेहनत गर्ने शिक्षक, कर्मचारी र सम्पूर्ण सहयोगी हातहरूलाई विशेष धन्यवाद।
तपाईहरूको यो सक्रियता, समर्पण र मेहनत आगामी दिनमा पनि निरन्तर जारी रहोस् भन्ने शुभेच्छा व्यक्त गर्दछु।” उक्त नतिजाले लुम्बिनी बौद्ध विश्वविद्यालयलाई कानुन अध्ययनको क्षेत्रमा अग्रणी संस्थाको रूपमा स्थापित गर्ने विश्वास गरिएको छ।
विद्यार्थी, अभिभावक र शिक्षकमध्ये पनि यस उपलब्धिलाई गौरवका रूपमा लिइएको छ।
