काठमाडौँ - नागार्जुन नगरपालिका-१०, खड्का गाउँस्थित Seven Step Kid's World Preschool ले हजुरबुबा–हजुरआमाप्रतिको सम्मान, पारिवारिक सम्बन्ध र संस्कारको महत्त्वलाई प्रमुख उद्देश्य बनाउँदै ‘Grandparents Day’ भव्य र उल्लासपूर्ण वातावरणमा मंसिर १२ गते शुक्रबार सम्पन्न गरेको छ ।
विद्यालय परिसरमै आयोजना गरिएको कार्यक्रममा साना बालबालिकाले गीत, नृत्य, कला–प्रदर्शन र मन मनोरञ्जन दिने हास्यव्यङ्ग्य प्रस्तुत गर्दै उपस्थित हजुरबुबा–हजुरआमा, अभिभावक तथा शिक्षकको मन जिते ।
कार्यक्रममा विद्यालयका प्रिन्सिपल दीपा खड्काले हजुरबुबा–हजुरआमालाई विशेष सम्मान अर्पण गर्दै बालबालिकाको व्यक्तित्व, अनुशासन, संस्कार तथा जीवनमूल्य निर्माणमा उनीहरूको महत्वपूर्ण भूमिकाप्रति हार्दिक आभार र कृतज्ञता व्यक्त गर्नुभयो ।
यु–केजी तहसम्मको शिक्षण–सिकाइ सञ्चालन गर्दै आएको विद्यालयले बालमैत्री वातावरण, व्यावहारिक सिकाइ, सृजनशीलता प्रवर्द्धन तथा सह-पाठ्यक्रमीय गतिविधिलाई निरन्तर प्राथमिकतामा राख्दै आएको छ ।
अभिभावकहरूको भनाइ अनुसार विद्यालयले छोटो समयमै गुणस्तरीय शिक्षा, सुव्यवस्थित व्यवस्थापन र अतिरिक्त कार्यक्रमका कारण स्थानीय क्षेत्रमा विशेष पहिचान स्थापित गर्न सफल भएको छ ।
कार्यक्रममा अभिभावकहरूको उत्साहपूर्ण सहभागिता, विद्यालय व्यवस्थापनको भद्र आतिथ्य र बालबालिकाको आत्मविश्वासपूर्ण प्रस्तुति विद्यालयप्रतिको विश्वास र समुदायसँगको सम्बन्धलाई थप मजबुत बनाएको देखिन्थ्यो ।
विद्यार्थी सङ्ख्या सन्तोषजनक रहेको विद्यालयले समुदाय–मैत्री पहल, नियमित अभिभावक–संवाद, सौहार्दपूर्ण वातावरण र गुणस्तरीय शिक्षण विधि अपनाउँदै अभिभावक र विद्यार्थी दुवैको मन जित्दै आएको छ ।
प्रिन्सिपल खड्काको नेतृत्वमा सम्पन्न कार्यक्रममा पाँच जना समर्पित शिक्षिका र दुई जना आया दिदीको महत्वपूर्ण योगदान रहेको विद्यालयले जनाएको छ । ‘Grandparents Day’ ले पुस्ताबीचको आत्मीयता, कृतज्ञता, सम्मान र पारिवारिक मूल्यहरूको विकासमा उल्लेखनीय भूमिका खेलेको विद्यालयको निष्कर्ष छ ।
