काठमाडौं । नेपालमा हालसम्म २२ हजार ३०५ ब्रान्डका औषधि दर्ता भएका छन् । दर्ता भएकामध्ये आधाभन्दा बढी स्वदेशी ब्रान्डका छन् ।
आर्थिक सर्वेक्षण २०८२/८३ अनुसार, नेपालमा दर्ता भएका औषधिमध्ये १३ हजार ५९४ स्वदेशी र आठ हजार ७११ विदेशी ब्रान्डका छन् । यो संख्या २०८२ फागुन मसान्तसम्मको हो ।
२०८१ फागुन मसान्तसम्म नेपालमा २० हजार ९५८ ब्रान्डका औषधि दर्ता भएका थिए । ती औषधिमध्ये १२ हजार ५११ स्वदेशी र आठ हजार ४४७ विदेशी ब्रान्डका थिए ।
चालु आर्थिक वर्ष २०८२/८३ को पहिलो आठ महिनामा थप ५२९ स्वदेशी र १३८ विदेशी ब्रान्डका औषधि दर्ता भएका छन् ।
नेपालमा २०८२ फागुनसम्म दर्ता भएका फार्मेसीको संख्या ३३ हजार २९९ रहेको छ । यस अवधिमा १५ हजार ३४ फार्मेसीको प्रमाणपत्र नवीकरण भएको छ भने दुई हजार ७१३ नयाँ फार्मेसी दर्ता भएका छन् । गत आर्थिक वर्षको सोही अवधिमा एक हजार ४३२ नयाँ फार्मेसी दर्ता भएका थिए ।
