बुटवल । शिक्षा, समाजसेवा तथा आर्थिक रूपान्तरणका क्षेत्रमा लामो समयदेखि उल्लेखनीय योगदान पुर्याउँदै आएको अन्नपूर्ण माध्यमिक विद्यालय लाई अन्नपूर्ण माध्यमिक विद्यालय बुटवल उपमहानगरपालिका वडा नं. ६ ले विशेष सम्मान प्रदान गरेको छ। विद्यालयले सामाजिक उत्तरदायित्व वहन गर्दै समुदायमा सकारात्मक परिवर्तनको बलियो आधार निर्माण गरेको मूल्याङ्कनसहित एक विशेष समारोहका बीच सम्मान पत्र प्रदान गरिएको हो।
उक्त सम्मान पत्र बुटवल वडा नं. ६ का वडा अध्यक्ष लोकनाथ न्यौपाने ले विद्यालयका प्रतिनिधिलाई हस्तान्तरण गर्नुभएको थियो। कार्यक्रममा विद्यालयले स्थानीय स्तरमा शिक्षा र सामाजिक विकासमा खेलेको भूमिकाको खुलेर प्रशंसा गरिएको थियो।
सम्मान ग्रहणपछि विद्यालयका प्रधानाध्यापक मित्रहरी आचार्यले वडा अध्यक्ष लोकनाथ न्यौपाने तथा सम्पूर्ण वडा परिवारप्रति हार्दिक आभार व्यक्त गर्दै यो सम्मान सामूहिक विश्वास र सहयोगको प्रतिफल भएको जनाएको छ।
विद्यालयको सन्देशमा भनिएको छ-“यो सम्मान कुनै एक व्यक्तिको उपलब्धि मात्र होइन, निरन्तर साथ, सहयोग, प्रेरणा र विश्वास प्रदान गर्ने सम्पूर्ण शुभेच्छुकहरूको साझा सम्मान हो। यसले आगामी दिनमा अझ जिम्मेवार, समर्पित र सेवामुखी भएर शिक्षा तथा समाज विकासमा योगदान पुर्याउने प्रेरणा दिएको छ।”
शिक्षा र सामाजिक विकासमा अन्नपूर्णको उदाहरणीय योगदान अन्नपूर्ण माध्यमिक विद्यालय ले केवल गुणस्तरीय शिक्षा प्रदान गर्ने संस्थाको रूपमा मात्र होइन, समग्र बुटवल उपमहानगरपालिका को शैक्षिक, सामाजिक तथा आर्थिक विकासमा समेत महत्वपूर्ण भूमिका निर्वाह गर्दै आएको छ।
स्थानीय सरकार र शैक्षिक संस्थाबीचको यस्तो सहकार्य, सम्मान र साझेदारीले शिक्षा क्षेत्रमा थप सकारात्मक परिवर्तन ल्याउने विश्वास गरिएको छ। विद्यालयले पुनः बुटवल उपमहानगरपालिका तथा स्थानीय सरकारप्रति हार्दिक कृतज्ञता व्यक्त गरेको छ।
