काठमाडौं । अर्थमन्त्री डा. स्वर्णिम वाग्लेले मंगलबार विभिन्न उद्योगका उद्योगपतिहरुसँग छलफल गर्नुहुने भएकाे छ।
अर्थमन्त्रीको सचिवालयले छलफल मंगलबार दिउँसो ३ बजे मन्त्रालयमा हुने जनाएकाे हाे। नेपालमा उत्पादनमूलक उद्योग सञ्चालन गरी अर्थतन्त्रमा विशिष्ट योगदान पुर्याएका करिब ३ दर्जन उद्योगपतिहरुसँग बजेट कार्यान्वयनका विषयमा विशेष छलफल हुने भएकाे छ।
छलफलमा अर्थमन्त्री वाग्ले, अर्थसचिव डा. घनश्याम उपाध्याय र उद्योग, वाणिज्य तथा आपूर्ति सचिव नारायणप्रसाद दवाडीसहित मन्त्रालयका महत्त्वपूर्ण महाशाखा तथा विभागका अधिकारीहरूकाे समेत सहभागिता रहने भएकाे सचिवालयले जनाएकाे हाे ।
