बुटवल । लुम्बिनी बौद्ध विश्वविद्यालय सिटी क्याम्पस बुटवलमा विद्यार्थीहरुले तालाबन्दी गरेका छन् । बिए एलएलबी तेस्रो सेमेष्टरमा अध्ययनरत विद्यार्थीहरुले क्याम्पस राजनैतिक अखडा भएको भन्दै तालाबन्दी गरेका हुन् ।
विद्यार्थीहरुले भिसि, रजिष्ट्रार देखि पढाउने शिक्षकसम्मले राजनैतिक गरेको आरोप लगाएको छ । साथै क्याम्पसमा नियमित रुपमा कक्षा सन्चालन नभएको, लाइब्रेरीमा पर्याप्त मात्रामा पुस्तकहरु उपलब्ध नभएको, शिक्षक अभाव तथा सञ्चालन गर्न चाहिने अत्यावश्यक विषयहरूको समेत व्यवस्था नभएकाले आफुहरुले बाध्य भएर तालाबन्दी गर्नुपरेको बताए ।
