बुटवल । क्यानडामा अध्ययनका लागि जाने बिद्यार्थीहरुलाई बिदाइ तथा फ्रि सेमीनार कार्यक्रम क्यानडियन स्टडी सेन्टर र बिबिसी ग्लोबल एजुकेशनको संयुक्त आयोजनामा आयोजित कार्यक्रम आइतबार बुटवलमा सम्पन्न भएको छ।
कार्यक्रममा क्यानडियन स्टडी सेन्टर र बिबिसी ग्लोबल एजुकेसनका प्रबन्ध निर्देशक डिबी रायमाझीले क्यानडामा अध्ययनका लागि जाने बिद्यार्थीहरुलाई शुभकामना दिदै आफु सधै विद्यार्थीको उज्जवल भविष्यकाे लागि साथमा रहेकाे बताउनुभयाे ।
त्यस्तै कार्यक्रममा बोल्दै सिनीयर स्टुडेण्ट एडभाईजर हरि अधिकारीले क्यानडामा जानुभन्दा अगाडि के के कुरामा ध्यान दिनुपर्छ र पुगेपछि बिद्यार्थीहरु कसरी आफ्नो अध्यनलाई सफल बनाउने भन्नेबारे जानकारी दिनु भएको थियो ।
उहाँले क्यानडा पुगेपछि गर्नुपर्ने पूर्व तयारीबारे जानकारी दिदै आफ्नो उदेश्य प्राप्तीका लागि सचेत हुन आग्रह गर्नुभयो । साथै अधिकारीले विद्यार्थीलाई आईपर्ने समस्याको समाधानको लागि सम्बन्धित निकाएमा आफूले पहल गरिदिने समेत बताउनुभयो ।
यस्तै कार्यक्रममा रिपोर्टर्स क्लब नेपाल लुम्बिनी प्रदेशका अध्यक्ष राम कुमार क्षेत्रीले बिदेश अध्यन गर्न जाने विद्यार्थीले धेरै दुख पाएको कुरा आइरहेका हुन्छन । बिदेश पठाउने सस्थाहरुले हल्का रुपले लिदा विद्यार्थीहारुले ठुलो समस्याहरु झेल्नुपरेको धेरै उदाहरण छन ।
बिबिसीले आज जुन विद्यार्थी हितको निम्ति आयोजना गरेको पुर्ब तयारी सेमिनारले विद्यार्थीहरु सचेत हुनुको साथै आत्मनिर्भर बन्ने छन् । अध्यक्ष क्षेत्रीले क्यानाडाको अध्यनपछि विद्यार्थीहरुलाई आफ्नो देश बिकासमा जुट्न आग्रह गर्नुभयो ।
करीब पाँचसय सहभागिता रहेकोे उक्त कार्यक्रममा क्यानाडा अध्यनको लागी भिसा प्राप्त २३७ विद्यार्थीलाई बधाई तथा शुभकामना दिइएको थियो ।
