अर्घाखाँची ।प्रधानमन्त्री पुष्पकमल दाहाल प्रचण्ड आज अर्घाखाँची आउदै छन। नेपाल पत्रकार महासंघ अर्घाखाँची शाखाले आयोजना गरेको अर्घाखाँचीको आर्थिक विकास, पर्यटन, प्रवर्द्धन तथा स्थानीय रोजगारीका लागि पर्यटन प्रवर्द्धन कार्यक्रम भन्ने मुल नाराका आयोजना हुन लागेको कार्यक्रमको शुभारम्भ गर्न प्रधानमन्त्री प्रचण्ड आउन लागेका हुन्।
प्रधानमन्त्री अहिले बिहान १० बजे आईपुग्ने प्रमुख जिल्ला अधिकारी कमलराज ढकालले मिसन लुम्बिनीलाई जानकारी दिए।
जिल्लामा बढ्दै गएको बसाइसराई रोक्न र जिल्लामा आन्तरिक तथा बाह्य पर्यटक भित्र्याउन कार्यक्रम आयोजना गरिएको हो । जिल्लामा रहेका धार्मिक, पर्यटकीय र ऐतिहासिक क्षेत्रलाई एकीकृत प्याकेजका रूपमा विकास गरेर पर्यटक आकर्षण गर्ने कार्यक्रमको उद्देश्य रहेको छ।
