रुद्रमणि भुसाल, अर्घाखाँची । अर्घाखाँचीमा सन्धिखर्क नगरपालिकाको आयोजनामा राष्ट्रिय कार्यक्रम आई.पि.भी खोप अभियान पोलियो खोप सम्बन्धी अभिमुखीकरण कार्यक्रम सम्पन्न भएको छ ।
यहि जेठ १३ गते देखि १७ गते सम्म लगाइने खोपमा २०७३ वैशाख महिना देखि २०७५ असोज महिनासम्म जन्मिएका बालबालिकालाई आई पि.भी खोप लगाउनको लागि सम्पुर्ण तयारी पुरा भएको सन्धिखर्क स्वास्थ्य शाखा प्रमुख पुर्ण पराजुलीले जानकारी दिएका छन ।
अर्घाखाँचीको सन्धिखर्क नगरपालिकामा २ हजार ८५ जना बालबालिकालाइ खोप लगाउन ६७ स्थान तोकिएको छ । शाखा प्रमुख पराजुलीले ओ.पि.भी. र आई.पि.भी खोपको प्रयोग, खोप लगाएपछि हुनसक्ने प्रतिकुल असर ,पोलियो उन्मूलनको अवस्था लगायतका विषयमा जनप्रतिनिधि, स्वास्थ्यकर्मी ,सचारकर्मी लगायतलाई जानकारी गराएका थिए ।
अभिमुखीकरण कार्यक्रम सन्धिखर्क नगरपालिकाका प्रमुख प्रशासकिय अधिकृत खुमलाल भुसाल लगायतले मन्तब्य राख्दै नगरभित्रका सबै बालबालिकालाई खोप नछुटाई लगाइ दिन स्वास्थ्यकर्मीहरुलाई आग्रह गरे । कार्यक्रम स्वास्थ्यकर्मी प्रकाश परियारको संचालनमा सम्पन्न भएको हो ।
