अर्घाखाँची । पेट, छाती, मुटु ,प्रेसर ,सुगर र थाइराइड रोग विशेषज्ञ डा.पवन कटुवालले आर्थिक रूपमा विपन्न वर्गका बिरामीहरूलाई उचित परामर्श सहित निशुल्क चेक जाँच गर्ने बताएका छन ।
अर्घाखाँची जिल्लामा क्रियाशिल सञ्चारकर्मीसँग सक्षिप्त आयोजना गरिएको परिचयात्मक कार्यक्रममा बोल्दै डा.कटुवालले यस्तो बताएका हुन ।
विगत लामो समयसम्म जिल्लाबासीको मन मुटुमा बस्न सफल भएका डा.कटुवालको आगमनले जिल्लाबासी निकै हर्षित छन् ।
लामो समयसम्म जिल्लाबासीलाई सहुलियत र सहज तरिकाले सेवा दिएका कटुवाल अध्ययनको शिलशिलामा काठमाण्डौमा विशेषज्ञता हासिल गरी पुन जिल्लाबासीको सेवा गर्ने मनोशायले अर्घाखाँची आएका हुन ।
डा.कटुवालले स्वास्थ्य सेवा गरिबदुखी निमुखाको पहुँचमा हुनुपर्छ भन्ने मनोशायले सुगम जिल्लामा भन्दा विकट जिल्ला रोजेर अर्घाखाँची आएको बताउँदै अर्घाखाँचीमा रहँदा विपिन फार्मेसी र अर्घाखाँची अस्पतालबाट बिरामीलाई सहज र सुलभ सेवा प्रदान गर्ने तर्क गरे ।
भौतिक विकास र शिक्षाको विकासले अर्घाखाँची अगाडि भएतापनि स्वास्थ्य क्षेत्रको विकासमा जिल्ला पछाडि रहेको उल्लेख गदैँ अब जिल्लाबासीलाई बुटवल काठमाण्डौमा हुने उपचार आधुनिक प्रविधिबाट आफुले उपलब्ध गराउने डा.कटुवालले बताएका छन ।
बिरामीको उपचारमा रमाउनु चिकित्सकको दायित्व रहेकोले आफु दिन रात नभनी बिरामीको उपचार गर्ने धारणा राख्दैँ सरकारले सरकारी अस्पताललाई गुणस्तरीय बनाउन नसक्नु विकासका दृष्टिकोणले पछाडि परेकोले स्वास्थ्य क्षेत्रको विकासले नै जिल्लाको विकास हुने भएकोले स साना बिरामीको उपचारको लागि काठमाण्डौ बुटवल जानुपर्ने समस्यालाई निराकरण गर्ने बताएका थिए ।
कार्यक्रममा पत्रकार महासघका अध्यक्ष अशोक खनाल, विपिन फार्मेसीका व्यवस्थापक सुर्य थापा लगायतले मन्तब्य राखेका थिए । कार्यक्रममा जिल्लाका क्रियाशिल सञ्चारकर्मीको उल्लेखनीय सहभागिता रहेको थियो ।
