रोल्पा।चौथो रोल्पा जिल्ला स्तरीय आईटीएफ तेक्वान्दो प्रतियोगिता तथा रोल्पा आईटीएफ तेक्वान्दो संघको चौथो अधिबेशन परिवर्तन गाउँपालिका-२ राङ्सीको पोखरामा सम्पन्न भएको छ । परिवर्तन गाउँपालिका रोल्पाका अध्यक्ष सुक बहादुर बुढा मगरको प्रमुख आतिथ्यता परिवर्तन गाउँपालिका वडा नम्बर २ का वडा अध्यक्ष तथा परिवर्तन गाउँपालिकाका प्रवक्ता हरि प्रसाद बुढामगर र शिक्षक महासंघ रोल्पाका अध्यक्ष भिम प्रकाश पुनको विशिष्ट आतिथ्यता लगायत जनप्रतिनिधि ,राजनीतिक दलका प्रमुख एवं प्रतिनिधि,समाजसेवी खेलाडीहरुको उपस्थितिमा सम्पन्न भएको हो।
जसमा क्रमशः प्रथम द मुन एकेडेमी परिवर्तन गाउँपालिका-२ राङ्सी,दोस्रो माइस्थान तेक्वान्दो डोजाङ परिवर्तन गाउँपालिका-४ पाछाबाङ र
तेस्रो जायाचौर आईटीएफ तेक्वान्दो डोजाङ गंगादेव गाउँपालिका-७ राँक भएको छ। त्यसै गरी रोल्पा आईटीएफ तेक्वान्दो संघको चौथो अधिवेशनबाट कृष्ण प्रसाद बाँठा मगरको अध्यक्षतामा ९ सदस्यीय नयाँ कार्यसमिति चयन भएको छ । जसको उपाध्यक्षमा अनिल परियार,सचिवमा हेमराज डाँगी,सह-सचिवमा दिपेन्द्र घर्ती मगर,कोषाध्यक्षमा मनिशा बाँठा मगर चयन भएका छन् ।
आईटीएफ तेक्वान्दो संघको विधान बमोजिम र जिल्ला संघ गठन व्यवस्थाको उपधारा ३ को २ बमोजिम निर्वाचित भई बाँकी रहेको पदाधिकारी तथा सदस्यहरु आईटीएफ तेक्वान्दो खेलमा सहयोग पु¥याएका वा पु¥याउन सक्ने व्यक्तिहरु मध्यबाट उपाध्यक्ष १,अध्यक्षको प्रस्तावमा र बाँकी सदस्यहरु जिल्ला संघको कार्यसमितिले मनोनीत गर्ने बाँठा मगरले जानकारी दिए । आईटीएफ तेक्वान्दो संघ रोल्पाको प्रमुख प्रशिक्षकमा तिलक बुढा मगरलाई मनोनीत समेत गरिएको छ ।
