काठमाडौँ । गृह सचिव एकनारायण अर्याल नेतृत्वको प्रतिनिधि मण्डल मङ्गलवार स्वदेश फिर्ता भएको छ ।
संयुक्त राष्ट्र संघको प्रधान कार्यालय अमेरिकाको न्यूयोर्कमा असार १२ देखि १३ गतेसम्म सञ्चालन भएको चौथो संयुक्त राष्ट्रसंघीय प्रहरी प्रमुखहरूको सम्मेलनका लागि गृह सचिव अर्यालको नेतृत्वमा टोली त्यता लागेको थियो ।
समिटमा प्रहरी महानिरीक्षक वसन्त बहादुर कुँवर, सशस्त्र प्रहरी महानिरीक्षक राजु अर्याल र प्रहरी नायव महानिरीक्षक दान बहादुर कार्कीलगायत सहभागी रहेका थिए ।
गृह सचिव अर्याल नेतृत्वमा रहेको टोलीलाई प्रहरी अतिरिक्त महानिरीक्षकहरू, प्रहरी नायव महानिरीक्षकहरू, गृह मन्त्रालयका पदाधिकारीहरू लगायत वरिष्ठ प्रहरी अधिकृतहरूले त्रिभुवन अन्तर्राष्ट्रिय विमानस्थलमा स्वागत गरेका छन् ।
विमानस्थलमा कुराकानीका क्रममा गृह सचिव अर्यालले शान्ति स्थापनार्थ नेपाली सेना, नेपाल प्रहरी र सशस्त्र प्रहरीले पुर्याएको योगदानको उच्च प्रशंसा भएको बताए ।
