काठमाडौँ । हेफर इन्टरनेशनल नेपालका कन्ट्री डाइरेक्टर डा.तीर्थ रेग्मी र सामाजिक उद्यमी महिला गठबन्धन (सेवा नेपाल) का अध्यक्ष टीका कुमारी अधिकारीले आइतबार प्रधानमन्त्री केपी शर्मा ओलीसँग सिंहदरबारमा भेटवार्ता गरेका छन ।
हेफर इन्टरनेशनल नेपालका राष्ट्रिय निर्देशक डा.तिर्थराज रेग्मी र सामाजिक उद्धमी महिला सञ्जाल नेपालकी अध्यक्ष टीका कुमारी अधिकारीबाट देशभर छरिएर रहेका सामाजिक उद्धमी महिलाहरुको हक हित, प्राकृतिक प्रकोपको अवस्था तथा सम्पर्क समन्वयको शिलशिलामा प्रधानमन्त्री केपी शर्मा ओलीसँग भेटवार्ता भएको थियो ।
प्रधानमन्त्री ओलीले हेफरको प्रभावकारी कामको प्रशंसा गर्दै भावी सरकारी साझेदारी सम्भावनाहरू खोज्न गहिरो चासो व्यक्त गरे । उनले हेफरद्वारा प्रवद्धित महिला सहकारीहरूको शीर्ष निकाय सेवा नेपालबारे अन्तर्दृष्टि पनि साझा गरे ।
हालसम्म, हेफरले २९३ सामाजिक उद्यमी महिला सहकारी संस्थाहरू स्थापना गरिसकेको छ, जसले नेपालभर ४ लाख भन्दा बढी परिवारहरूलाई लाभान्वित गरिसकेको छ ।
